2015aprilII(laat u voorlezen!)

 

Hosanna

't Kunt allenäu bijenee. Oeësterhaas, Passion,  rungde va Vlaanderen. In zie atelier kiekt d'r sjilder eroes. Binnekóts kunt an zie hoes ing rungde langs. Hei d'r huevel eróp. Va wieë en zieë kome de lu kieke. De sjtroas is pratsjvol. 't Vräud hem. Die klure, reërzoese, auo's tute, lu keëke, rennere sjnoeve. En da, wen ze verbij zunt, de rouw. De lu óp heem aa. D'r huevel eraaf.
Hu ieëtsjte Oeësterdaag sjteet e vuur de vinster. E jlaas wien i jen heng. Dinkt an de Passion. Noa Hosanna kunt 't kruuts. Miljoeëne lu kieke doa hin. Jiddes joar werm. 't Sjprikt aa. Hinger ziech óp d'r televies de rungde va Vlaanderen. An duur sjpatsere kinger mit mengelsjer poasjaier verbij.
Zieng jedanke weëde jevange durch 't nuits va jisteroavend. E hoes vuur vluchtelinge i brank jesjtaoche.
Jee Hosanna. Kruuts verbrankd.