De mam en d’r jong.

D’r sjriever kiekt vuur ziech oes. ’t Vel papier is sjneiwies. Alling die wöad hat e jesjraeve. De mam en d’r jong. Ing jesjiechte. Ze vong urjens aa. In de jeboert. Wie bij jidder miensj. D’r sjoeës van de mam. Jedrage an de brós. D’r jong waset oes d‘r sjoeës. Mar heë bliet. ‘t Jeveul va jeluk. Lieët ‘m nit los.
Heë zukt zie eje sjpoor. Doch deë sjoeës is de wermde. Die heë zukt. Nit vingt. E dwaalsjpoor.  
De mam en d’r jong. D’r sjriever zuet. Wil letttere sjträue. Roeëze bleer. Roeë va leef-de. De reng van de bleer krömme ziech in de wermde van de heng.
D’r waeg van d’r jong tsirkelt ziech in de natoer. Hu is ‘t e pad tusje sjtruuch en beum. De dere zunt muus-jenssjtil. Me huet alling sjritte va lu i verdris. Tuen va vus in d’r jrind. D’r jong is tseruk in d’r sjoeës. Jevónge.
D’r sjriever zuet. Langs de vinster danst e herfsblad.
Vuur ziech ’t vel papier i bilder. Wies. D’r sjoeës.
De mam en d’r jong.