Pedale

D’r trit óp d’r nuie fiets. Pedale mit jeveul. Ze dele de kraf van de bee. De bee van d’r Hannes. E tsezame i tritte. Sjtuts. Vuur zie óngerweëgs zieë. Sjmiltst tsezame mit de landsjaf. Huet moeziek. De jietaar oes zieng joegend. Die sjtim.  Ze keurt jeveulens. Jenóg um tse drage. ’t Kwiet zieë blieve.
In ing drieën bliet e sjtoa. D’r oesblik veult ziech wie wieërjoa. Ao joa. Doa bis te werm. Sjtieg óp. Vaar mit miech mit. Dat kank doe. I klure. Hoare in d’r wink. Dansend vroeë. Die kleed umwingent miech.
Joa die ing sjtim. Die ing jietaar. Jans ’t leëve va doe. D’r Hannes veult ’t trit vuur trit. E wónger. Ze vare allenäu mit. Wie doe. En noen.
D’r Hannes sjtiegt óp. In de ieëwieje vrijheet. Jans de rouw.  D’r nuie fiets van d’r Hannes. Dreëgt tritte mit ziech mit. Óch die va vruier.