|
bouwe kinger bouwe hutte ing vakans lang i d’r busj va hön leëve sjuts tusje beum sjtruuch sjlefe sjtabele sjtem tek moos jedekd kinger bouwe jesjiechte van ’t jroeës weëde kinger bouwe hön sjpieëder kótterbij kinger bouwe leëvensdaag e jesjenk van de natoer dank natoer jruetsj óp diech |
|
Bouwe
|
|
Vertaling gedicht 'bouwe' (boven aan de pagina!)
|
Tseptember
Neumt me óch d’r tswaide aosmond. Aujoes is d’r ieëtsjte.
Planete
Saturnus is in 't zuud-oste tse zieë. Jupiter in oste.
1 tseptember
Mercurius kótbij d'r sjmale mondtsikkel.
16 tseptember
D'r mond en Saturnus kótbijenee.
22 tseptember
Jupiter en d'r mond kótbijenee.
Herfs
Aavank van d'r herfs is tswai-entswantsieg tseptember um vieëtsieng oer drei-en vieëtsieg
D'r jank van de tsiet
Ing verzamloeng va jediechte en sjtuks-jer proza. D'r sjriever Wim Heijmans nimt d'r leëzer mit óp inne sjpatseerjank durch 't joar. 't Bóch kan me krieje in de bucherjesjefter Deurenberg i Kirchroa.
|
SJWATSE KATER
HIER de Laudatio, de speech van Wim en van de burgemeester
|
Jrenze
Ze hant vuur de komende waech reën jemeld. Hu is ’t nog drueg en de zon kunt aaf en tsouw hinger de wólke oes. Doarum kanne ’t Bertie en d’r Wiel jenauw wie ’t vurrieg joar werm óp d’r fiets joa. Noa ’t koensdörp. An d’r i-jank van ’t dörp likt inne sjlaagboom. Roeë wies jekluurd. Ópjerold. Dróp zitse inne jong en e meëdje.
Ze laache en róffe: ‘Welkom’.
’t Bertie en d’r Wiel sjtieje aaf. Ze jrusse óch en zetse de fietse teëje e hek. Doa sjtunt al jet fietse. In d’r jaad hinger ’t hek zitst inne monne-kasjpiller. Heë vroagt an de lu um de fietsbel tse kliengele, went e ’t woad ‘welkom’ zingt. De lu dunt dat mit sjpas. Jans jet kiere weëd ’t woad ‘welkom’ jezónge. Wen ’t lid oes is, junt ze wieër. Óp d’r waeg lofe jong lu mit besseme.
Ze kere de sjtroas en róffe: ‘Vier maache plaatsj vuur uuch!’
E sjtuk junt ze mit de lu mit. Bis an d’r plai. Doa hange ze de lu mit blomme jetseerde keëtjer um. Woa-óp i jekluurde lettere sjteet: ‘Jidderinne’. Wat dat vuursjtelt hant ze flot duch. Boave d’r kiosk hingt e dóch. Doa-óp kan me leëze: ‘Plaatsj vuur jidderinne’. Zoeë weëd óch d’r daag. E kome en joa va lu. Me junt ziech plaatsj. Verbónge i moeziek, zinge, danse, moale, bilder. Wen ze noa heem junt. Bliet dat i hön durchklinke.
Bij d’r sjlaagboom klinkt noen: ‘oane jrenze.’
Zoeë veule ’t Bertie en d’r Wiel ‘t óch. Frisj in d’r wink. I vrijheet óp d’r fiets. Noa heem.
|
Bekijk HIER de video van de rap POSITIEVE STAD |
In 'Plat-eweg' vaan Henk Hover op L1 Radio leust Wim veur oet eige werk.
Nuutsbreef Veldeke
Interview met Wim Heijmans, winnaar van de Sjiek Literatuurprijs
JEDIECHTE-PAD
't Jediechte-pad mit jediechte van d'r Loek van de Weijer, d'r Paul Weële en d'r Wim Heijmans.
| vandaag | 51 |
| gister | 173 |
| deze week | 212 |
| maand | 3468 |
